सांगोला नगरपरिषदेचा कर भरणा 31 मार्च 2026 पूर्वी करावा.
सांगोला / प्रतिनिधी
आज दिनांक 27.03.2026 रोजीपर्यंत एकत्रित मालमत्ता कर 3 कोटी 31 लक्ष रुपये वसूल झालेला आहे. अजून 3 कोटी 22 लक्ष रुपये थकीत रक्कम वसूल होणे बाकी आहे. सांगोला नगर परिषदेची पाणीपुरवठा विभागाकडील २७/०३/२०२६ अखेर पाणीपट्टी ची एकूण वसुली १६८.३५ लक्ष इतकी झाली आहे. अजून 1 कोटी 16 लक्ष रुपये वसूल होणे बाकी आहे. गाळा भाडे 62 लक्ष वसुली झालेली आहे.
सांगोला नगरपरिषदेकडून थकबाकीदार गाळेधारकांचे गाळे सील करणे, मालमत्ता व पाणीपट्टी थकबाकीदारांचे नळ कनेक्शन कट करण्याची कारवाई करणेत येत आहे.
सांगोला नगरपरिषद हद्दीतील नागरिकांनी आपली सर्व मालमत्ता कर गाळा भाडे व पाणीपट्टीची संपूर्ण रक्कम ३१ मार्च पूर्वी वेळेत भरून नगरपरिषदेस सहकार्य करावे असे आवाहन मुख्याधिकारी डॉ. सुधीर गवळी यांनी केले आहे.
